Hér kemur heilsupistill desembermánaðar frá Heilsuvernd Já jólin eru á næsta leyti og ef fer sem horfir ættum við að geta horft björtum augum til næsta árs þar sem bólusetning gefur okkur vonir um að lífið geti færst aftur í eðlilegra horf.

Vakin er athygli á námskeiðinu Fagnám í umönnun fatlaðra sem haldið verður hjá MSS á vorönn og hefst 18. janúar n.k. Námskeiðið er ætlað þeim sem starfa eða vilja starfa við umönnun fatlaðra en í því felst að vinna við þjónustu á heimilum og stofnunum fyrir fatlaða. Það getur einnig hentað þeim sem starfa í þjónustu við aldraða og sjúka og fyrir þá sem vinna með börnum og unglingum í vanda.

Á þessu ári hefur fyrirkomulag funda breyst afar mikið vegna Covid19 og í stað þess að hittast á staðfundum ræðum við nú mikið saman á fjarfundum. Nú er hægt að nálgast bakgrunnsmyndir á S-drifinu (sameiginlegt drif starfsmanna) sem starfsfólki býðst að nota að vild á fjarfundum. Um er að ræða fallegar ljósmyndir frá Akureyri og er bæði hægt að velja myndir með og án merki sveitarfélagsins.

Fyrirkomulag útborgana um áramót er sem hér segir: Miðvikudaginn 30. desember 2020 Eftirágreiddir fá mánaðarlaun vegna desember og yfirvinnu og álag fyrir tímabilið 13.11.2020-12.12.2020. Fyrirframgreiddir fá yfirvinnu og álag fyrir tímabilið 13.11.2020-12.12.2020. Mánudaginn 4. janúar 2021 Fyrirframgreiddir fá greidd mánaðarlaun vegna janúar 2021. Allir starfsmenn Akureyrarbæjar geta skoðað launaseðlana sína inn á www.eg.akureyri.is Starfsfólk launadeildar óskar öllum gleðilegra jóla og farsældar á nýju ár.

Kæra samstarfsfólk, Á bæjarstjórnarfundi í gær var samþykkt tillaga um sameiningu fjölskyldusviðs og búsetusviðs í velferðarsvið og tekur sameiningin gildi 1. janúar 2021. Markmiðið með sameiningunni er að bæta velferðarþjónustuna og gera hana notendavænni, auka skilvirkni, lækka rekstrarkostnað og nýta betur möguleika stafrænnar þróunar.

Menningarhúsið Hof býður menningarþyrstum íbúum landsins upp á tónleikaröðina Í Hofi & heim í desember og janúar. Tónleikarnir fara fram á sviði Hamraborgar fyrir framan gesti í sal, fjöldinn takmarkast við gildandi sóttvarnarreglur hverju sinni, en þeim verður einnig streymt á mak.is svo áhorfendur geta haft það huggulegt og notið tónleikanna líka í sófanum heima.

Heilsuvernd og Streituskólinn hafa sent frá sér desember dagatal „Gleðileg jól án streitu“

Ritstjórn starfsmannavefs kynnir til leiks nýjan fréttalið. Hvað er að frétta? Skemmtilegar fréttir frá stofnunum bæjarins munu birtast reglulega hér á vefnum ykkur til gamans. Að þessu sinni fengum við að skyggnast inn í starfsemi Amtsbókasafnsins.