Menningarfélag Akureyrar veitir starfsfólki Akureyrarbæjar sérstök afsláttarkjör á leiksýninguna Vorið vaknar. Almennt miðaverð er 8500 kr.- en starfsfólki Akureyrarbæjar býðst nú miðinn á 25% afslætti eða 6375 kr.- Afslátturinn gildir á tvær sýningar. Laugardaginn 7. mars kl. 20:00 og föstudaginn 13. mars kl. 20:00. Nánari upplýsingar um sýninguna má finna á heimasíðu Menningarfélagsins www.mak.is

Allt starfsfólk á rétt á því að komið sé fram við það af virðingu og að það hafi tækifæri til að sinna störfum sínum án þess að eiga á hættu einelti, kynferðislega áreitni, kynbundið áreitni eða annarskonar ofbeldi. Það er á ábyrgð okkar allra að líða ekki óæskilega hegðun á vinnustöðum Akureyrarbæjar og ef við verðum vör við slíka hegðun þá ræðum við málið og komum upplýsingum til yfirmanns eða annara sem geta tekið á málinu. Hér er vakin athygli starfsfólks á upplýsingum um verklag í tengslum við áreitni á vinnustað og hvert starfsfólk getur leitað ráðgjafar upplifi það slíkar aðstæður eða verður vitni af þeim. Upplýsingar þess efnis er að finna undir efnisflokknum: Starfsmannahandbók > Einelti - áreitni - ofbeldi.

Park and fly veitir starfsfólki Akureyrarbæjar sérstök afsláttarkjör.

Um hvað erum við að tala... við erum að tala um Lífshlaupið, sem er vinnustaðakeppni á vegum ÍSÍ og hefur það megin markmið að hvetja landsmenn til þess að hreyfa sig og tileinka sér heilbrigða lífshætti. Lífshlaupið verður ræst miðvikudaginn 2. febrúar og stendur til 25. febrúar. Heilsuráð Akureyrarbæjar hvetur alla vinnustaði Akureyrarbæjar til að taka þátt í vinnustaðakeppni Lífshlaupsins 2020, því líkt og undanfarin ár er keppnin færð heim í hérað þar sem Heilsuráð veitir viðurkenningar til vinnustaða Akureyrarbæjar sem a) sigrar í keppninni um flesta daga og b) sigrar í keppninni um flestar mínútur.

Endurmenntunarsjóður grunnskóla auglýsir eftir umsóknum í sjóðinn vegna endurmenntunarverkefna skólaárið 2020-2021. Umsóknarfrestur er til og með 25. febrúar 2020. Þeir sem hyggjast standa fyrir endurmenntun fyrir félagsmenn í Félagi grunnskólakennara (FG) og Skólastjórafélagi Íslands (SÍ) geta sótt um framlög úr sjóðnum. Umsækjendum er gert að sækja um á rafrænu formi á heimasíðu Sambands íslenskra sveitarfélaga, umsóknir sendar á öðru formi verða ekki teknar gildar.

Í næstu viku eru á dagskrá hjá SÍMEY tvö námskeið sem Ríkismennt og Sveitamennt greiða niður fyrir starfsfólk. Jafnframt styrkir Starfsmennt námskeiðið um Skjalastjórnun í Office 365 og fer sú skráning fram í gegnum smennt.is Námskeið um samskipt á vinnustað: https://www.simey.is/is/moya/inna/verkfaerakista-stjornandans-samskipti-a-vinnustodum Námskeið um skjalastjórnun í Office 365: https://www.simey.is/is/moya/inna/skjalastjornun-i-office365

Nú er fræðsla að fara á fullt á hinum ýmsum stöðum. Símenntunarmiðstöð Eyjafjarðar (SÍMEY) býður til að mynda upp á fjölbreytt námskeið og Símenntun Háskólans á Akureyri. Það er einnig hægt að sækja námskeið suður og sum eru jafnvel kennd í fjarkennslu. Mörg stéttarfélög bjóða upp á styrki er kemur að símenntun og starfsþróun starfsmanna. Sum stéttarfélög eru aðilar að fræðslustofnunum og gefst þá félagsmönnum tækifæri á að sækja sum námskeið frítt. Á meðan önnur stéttarfélög bjóða upp á fræðsludagskrá fyrir félagsmenn.

Fjármála- og efnahagsráðuneytið hefur auglýst fjárhæðarmörk tekjuskattsstofns, innheimtuhlutfall í staðgreiðslu og persónuafslátt fyrir árið 2020. Innheimtuhlutfall í staðgreiðslu samanstendur annars vegar af þrepaskiptum tekjuskatti, sem rennur til ríkissjóðs, og hins vegar af meðalútsvari sveitarfélaganna. Skattþrep í staðgreiðslu 2020 verða eftirfarandi: