Akureyrarbær greiðir desemberuppbót til starfsmanna sinna mánudaginn 2. desember nk. Þeir sem núna eiga rétt á fullri uppbót eru starfsmenn sem hafa unnið fullt starf frá 1. janúar - 30. nóvember 2019. Hafi starfsmaður verið í hlutastarfi eða starfað hluta úr ári, skal hann fá greitt miðað við starfshlutfall og/eða starfstíma. Starfsmaður þarf þó a.m.k. að hafa starfað samfellt frá 1. september 2019. Upphæð desemberuppbótar er misjöfn eftir kjarasamningum.

Á Facebook og Instagram er fréttum og ýmsum fróðleik miðlað um starfsemi sveitarfélagsins og birtar myndir. Á Facebook-síðunni hefur nýtt verkefni undir yfirskriftinni #Akureyringar vakið töluverða athygli. Það snýst um að kynna Akureyringa úr ýmsum áttum, birta mynd af þeim og miðla frásögn. Oft eru þetta sögur frá starfsfólki Akureyrarbæjar eða notendum þjónustunnar. Nú síðast var það Pétur Ingi, sviðsstjóri skipulagssviðs, sem sagði okkur sögu. Starfsfólk er hvatt til að fylgja Akureyrarbæ á Facebook og Instagram og taka ef til vill þátt í því sem fram fer á síðunum með deilingum og öðru slíku. Eins eru ábendingar vel þegnar um áhugaverða Akureyringa sem gætu sagt skemmtilegar sögur. Slíkar ábendingar má senda á Jón Þór Kristjánsson, verkefnastjóra upplýsingamiðlunar hjá Akureyrarstofu – jon.thor@akureyri.is

Nýjasti heilsupistill Heilsuverndar er komin út og umfjöllunarefnið er kólestról. Fróðleikurinn segir okkur hvað kólestról er, hvernig það myndast og hvaða áhrif það getur haft á líkama okkar. Endilega kynntu þér málið. Pistilinn má lesa í heild sinni með því að smella HÉR.

Akureyrarbær í samstarfi við Vodafone býður þér fjarskipti og áskrift frá Stöð 2 á frábærum kjörum. Þú getur valið sjónvarpsáskrift eingöngu eða bætt fjarskiptaþjónustu við, allt eftir því hvað hentar þér og þínu heimili.

Heimilistæki auglýsir: Sértilboð til starfsmanna Akureyrarbæjar gildir aðeins dagana 25.9. – 2.10 2019. 20% afsláttur af öllum brauðristum, kaffivélum og kötlum Gildir ekki með öðrum tilboðum og aðeins í versluninni á Glerártorgi.

Í byrjun október verður haldið starfslokanámskeið á vegum Akureyrarbæjar, Sjúkrahússins á Akureyri, Norðurorku og Verkmenntaskólans á Akureyri. Markmið námskeiðsins er að hjálpa starfsfólki að undirbúa starfslok vegna aldurs, aðlaga sig breyttu lífsmynstri og stuðla að innihaldsríku lífi að starfi loknu. Markhópurinn er starfsfólk eldra en 60 ára og er námskeiðið þátttakendum að kostnaðarlausu. Haustið 2017 sóttu um 80 manns samskonar námskeið sem mikil ánægja var með.